Меркі ауданы, Андас батыр ауылы «Ар-Рахим» мешітінің имамы Алтынбеков Абдулла имам жиналған халыққа «Ысырапшылдық» турасында уағыз-насихат айтты.

Алла тағала қасиетті Құран Кәрімде: «....Ішіңдер, жеңдер бірақ ысырап қылмаңдар, шындығында Алла Тағала ысырап қылушыларды сүймейді» - деп, пендені ысырап жасамауға үндейді. Пайғамбарымызда (Алланың салауаты мен сәлемі болсын): «Қиямет күні Алланың ешбір құлы өмірін қайтіп өткізгендігі, алған білімін не істегендігі, дүние-мүлкін қандай жолдармен тауып, қайда жұмсағандығы және тәнін қандай жолда жүріп тоздырғандығы жайлы есепке тартылмайынша бір адым да аттай алмайды», – деген. Өкінішке орай бүгінгі қоғам күнделікті өмір сүру салтында, той-жиындар мен құдайы астарда ысырапшылыққа бой алдыруда. 

Осы орайда ауыл имамы ақ дастархан басына жиналған ауыл тұрғындарына уағыз-насихат жұмыстарын жүргізіп, қазіргі қоғамның дерті болған ысырапшылдық жайында сөз қозғап, ысырапты Алланың сүйметіндігін айтып, әрбір берілген нығметтің қадіріне жетуге  шақырды.

Меркі аудандық «Меркі ата» мешітінің баспасөз қызметі