Жамбыл облысының бас имамы Асқар Зәкіржанұлы Шу ауданына сапары барысында аудан әкімі Бақытжан Жәнібековпен кездесу өткізді. Кездесу іскерлік рухта өтіп, өңірдегі діни ахуал, имамдардың қызметі мен алдағы жоспарлар кеңінен талқыланды.

Кездесу барысында, дін қызметкерлері мен мемлекеттік саясат өкілдері арасындағы үйлесімді әрекет, өзара қолдау, жастар тәрбиесі мен қоғамдық тұрақтылықты сақтау жолдарын ортаға салды. Аудандық мешіттердің имамдарымен бірге жүргізіліп жатқан жұмыстар және болашақта жүзеге асырылатын бастамалар жайлы ой бөлісті.

Шара соңында Шу ауданының әкімі облыстың бас имамына қызметіне сәттілік тілеп, жылы лебізін білдірді.

Шу аудандық «Жәми» мешітінің баспасөз қызметі.