РАНТ мүшесі Қанат Жұмағұл ұстаз Шу ауданына жасаған сапарында «Кәрібай молда» мешітінде жамағатпен жүздесті. Кездесу аясында ол «Сыр сақтау» тақырыбында мазмұнды уағыз жүргізіп, жамағатты терең ойға қалдырды.

Кездесуді бастаған Аят қажы Дыбысұлы ұстазды жамағатқа таныстырып, бұл сапардың рухани маңызын түсіндірді. Ұстаздың тәжірибесі мен білімінің көпшілік үшін пайдасы зор екенін атап өтіп, уағыздың мәніне назар аударуға шақырды.

Уағыз барысында білікті дін маманы адам баласының бір-біріне деген сенімі, аманатқа адалдығы мен жүрек тазалығы жайлы терең насихат айтты. Сыр сақтаудың шариғаттағы орны мен қазіргі қоғамдағы маңызы кеңінен ашылып, жиналғандарға үлкен ой салды.

Шу аудандық «Жәми» мешітінің баспасөз қызметі.