Ораза айт — мұсылмандар үшін маңызды мереке. Отыз күн бойы ауыз бекітіп, парызын өтеген соң тойланады. Бұл күн таңда жамағатпен айт намазын оқудан басталып, әрмен қарай жақындармен арқа-жарқа болып дастархан басында жиналумен жалғасады.

Қордай ауданы, Қордай ауылы «Рахман» мешіті әжелер алқасы мүшелерінің ұйымдастыруымен, Ораза айтқа мешіт асханасында, ауыл тұрғындары мен қонақтарға айттық дастархан жайылды.  Мейрамды көпшілікпен, кең пейілмен тойлау қанымызда, тәрбиемізде орын алған. Дархандығымыз азаймасын, жамарттығымыз кемімесін. Алла тағала бар жақсылықтарымызды қабыл алсын!

Аудандық «Қордай» мешіті баспасөз қызметі