Жамбыл облысы Тұрар Рысқұлов ауданы Ақыртөбе ауылдық мешітінің имамы Батыр Нұрпейісовке Қасиетті Рамазан айының қарсаңында «Рамазан сыйы» табысталды. Ақыртөбе имамының дінге сіңірген еңбегі, атқарған қызметі ұшан-теңіз. Сонымен қатар, көп бала тәрбиелеп отырған үлгілі әке, өнегелі отағасы.

«Рамазан сыйы» қайырымдылық акциясы тек қана жетім-жесір, жағдайы төмен отбасыларды ғана айналып өтпестен, мешіт қызметкерлерін де қамтыды. Ауыл әкімімен бірлесе атқарған сауапты істе тек қана Алланың разылығы көзделді. Қайырымдылыққа демеу көрсеткен, кеңпейіл жандарға ауыл имамы батасын беріп, ризалығын білдірді.

 Қуаныш Түзелбеков

Рысқұлов аудандық мешіттің баспасөз қызметі