Сауытбек ауылы «Асайын Кәлпе» мешітінің имамы Шаттық Жексенұлы жастардың бойында ұлттық тәрбие мен рухани құндылықтарды насихаттау мақсатында оқушылармен кездесу жүргізіп қайтты.

Іс-шара барысында имам жас ұрпақтың бойында имандылық, ата-ананы құрметтеу, ұлттық дәстүрлер мен рухани мұраларды сақтау секілді қасиеттерді қалыптастырудың маңыздылығына тоқталды. Сонымен қатар, оқушыларға қазіргі қоғамда адами құндылықтарды ұстанудың өзектілігі туралы дәріс оқылып, сұрақ-жауап түріндегі ашық әңгіме жүргізілді.

Шу аудандық «Жәми» мешітінің баспасөз қызметі.