Белбасар ауылындағы «Хати Сауранбайұлы» мешітінде қасиетті Рамазан айының маңызы мен оразаның рухани пайдасы жайлы әсерлі уағыз өтті.

Аталмыш мешіттің имам Бақыт Тилемисов тарауық намазы кезінде жамағатқа ауызбіршілік пен тақуалықтың мәнін түсіндіріп, оразаның адамның жан-дүниесіне тигізер игі әсері туралы айтты. Уағыз барысында имам Рамазан айының мұсылмандар үшін ерекше ай екенін, бұл уақытта сабырлық пен мейірімділік танытып, жақсы амалдар жасауға ұмтылу қажеттігін атап өтті.

Жамағат имамның тағылымды сөздерін тыңдап, оразаның қадірі мен шексіз сауабы жайлы ой түйді.

Шу аудандық «Жәми» мешітінің баспасөз қызметі.