Жамбыл облысының бас имамы Асқар Зәкіржанұлы аудандық «Сұлтан» мешітіне арнайы барып, мешіттің тыныс-тіршілігімен танысты. Бұл – облыс бас имамының аталмыш мешітке алғашқы сапары.

Зерделеу жұмысы барысында ол мешіт қызметіне назар салып, имамдардың жұмысын бағалап, өз тәжірибесімен бөлісті. Сондай-ақ, мешіт аумағындағы дәретхана мен кеңсе ғимаратын аралап, қызмет сапасын жақсарту бойынша ұсыныстар айтты.

Қасиетті Рамазан айына байланысты бірқатар маңызды тапсырмалар беріліп, мешіт жұмысының тиімділігін арттыруға қатысты бағыт-бағдар көрсетілді.

«Һибатулла Тарази» мешітінің баспасөз қызметі