ҚМДБ-ның «Діни оңалту» бөлімінің маманы, РАНТ мүшесі Ислам Қаюпов Тараз қаласындағы «Шейх Зуннун» мешітінде бесін намазынан кейін жамағатқа уағыз айтты.

Уағыз барысында аманатқа адал болу, шынайы мұсылманның сипаттары, Исламдағы сенімнің маңыздылығы сынды тақырыптар қозғалды. Сондай-ақ, жамағат көкейдегі сұрақтарын қойып, тұшымды жауап алды.

Жиын соңында Ислам Қаюпов жамағатқа ізгі тілегін білдіріп, Рамазан айында құлшылықты арттырып, ізгі амалдарды көбейтуге шақырды.

«Һибатулла Тарази» мешітінің баспасөз қызметі