Тараз қаласында ҚМДБ-ның «Діни оңалту» бөлімінің маманы, РАНТ мүшесі Ислам Қаюпов «Һибатулла Тарази» медресе-колледжінің шәкірттерімен кездесу өткізді.

Кездесу барысында шәкірттерге Исламдағы сенім тұтастығы, діни білімнің маңызы, жат ағымдардан сақтану жолдары жөнінде насихат айтылып, пайдалы ақпараттар берілді. Сонымен қатар, Ислам Қаюпов шәкірттердің сұрақтарына жауап беріп, діни білім алудың жауапкершілігі мен оның қоғамға тигізер пайдасына тоқталды.

Кездесу рухани әрі танымдық бағытта өтіп, шәкірттер үшін маңызды тағылымға айналды.

«Һибатулла Тарази» мешітінің баспасөз қызметі