Тараз қаласындағы «Олимпиадалық резервтің облыстық мамандандырылған мектеп-интернат-колледжінде» оқушыларға жат діни ағымдардың зияны туралы ақпараттық-түсіндіру жұмысы жүргізілді.

Кездесуді ҚМДБ-ның «Діни оңалту» бөлімінің маманы, РАНТ мүшесі Ислам Қаюпов өткізді. Ол жастарға теріс ағымдардың қоғамға тигізер қауіп-қатері, олардың белгілері мен ерекшеліктері туралы кеңінен түсіндіріп, дәстүрлі исламның құндылықтарын насихаттады.

Кездесу барысында оқушылар көкейіндегі сұрақтарын қойып, тұшымды жауап алды. Мұндай ақпараттық жұмыстар жастардың діни сауатын арттырып, олардың қауіпсіздігін қамтамасыз етуге бағытталған.

«Һибатулла Тарази» мешітінің баспасөз қызметі