ҚМДБ-ның Жамбыл облысы бойынша бас имамы Асқар Зәкіржанұлы өңірге қарасты имамдармен онлайн жиналыс өткізді.

Жиын барысында Рамазан айына байланысты берілген тапсырмалардың орындалу барысы талқыланып, атқарылған жұмыстарға шолу жасалды. Сондай-ақ, аудандардың бас имамдарына Рамазанның қалған күндерін тиімді пайдалану, жамағатпен жұмысты жандандыру және игі шараларды жүйелі ұйымдастыру жөнінде бірқатар нұсқаулар берілді.

Айта кетейік, қасиетті Рамазан айының алғашқы он күні аяқталып, екінші онкүндігі басталды. Бұл кезең – кешірім мен мейірімге толы күндер. Жақсылық жасап, сауап жинауға мол мүмкіндік беретін уақыт.