Мойынқұм ауылында "Арақсыз ауыл" ұранымен дүкен иелеріне насихат жұмыстары жүргізілді. Бұл игі бастаманы Мойынқұм ауданының бас имамы Рысбай Асылбекұлы Еспенбетов көтеріп, арақ-шарап сатпауға шақырды.

Эстафета ретінде жолданған бұл бастама Биназар, Бірлік, Мыңарал, Шығанақ сынды ауылдарда да өз жалғасын тапты.

"Арақ – бүкіл жамандықтың есігі. Егер біз ауылдарымыздың тыныштығын, ұрпағымыздың амандығын ойласақ, ішімдіктен бас тартуымыз керек", – деді бас имам.

Бұл бастаманы қолдаған ауыл кәсіпкерлері қасиетті Рамазан айында арақ-шарап сатпауға уәде берді.

Мойынқұм ауданының баспасөз қызметі