Мойынқұм ауданы, Қылышбай ауылдық мектебінде "Исламдағы бала тәрбиесінің орны" тақырыбында танымдық кездесу өтті. Бұл шараны "Рәтқұл ата" мешітінің молдасы Әлихан Жайлаубеков ұйымдастырды.

Бала тәрбиесі – қай заманда да өзекті тақырып. Ислам діні баланың рухани және адамгершілік тәрбиесіне ерекше мән береді. Кездесу барысында бала тәрбиесіндегі ата-ананың рөлі, ізгілікке баулу және нәпсіні тәрбиелеудің маңыздылығы туралы айтылды.

"Жастайынан өз нәпсісін жеңе білген бала, есейгенде жаман әдеттерден бойын аулақ ұстай алады", – деді Әлихан Жайлаубеков.

Кездесу барысында мұғалімдер мен ата-аналар бала тәрбиесіне қатысты өзекті сұрақтарын қойып, тұшымды жауаптар алды.

Мойынқұм тілшісі