Жамбыл облысы Байзақ ауданының бас имамы Қанат Әділханұлы қасиетті жұма күні жамағат алдында «SYRBAZ TARAZ» дәмханасының басшысы, жеке кәсіпкер Талғат Ақтөреге ҚМДБ «Халал Даму» стандарттау және сертификаттау орталығының сертефикатын табыстады.

««SYRBAZ TARAZ» дәмханасы шариғат талаптарына сай ұлттық тағамдарды дайындайтын Сарыкемер ауылында ашылған алғашқы дәмхана болып табылады. Әрбір кәсіпорын халал стандарттау бөлімінің сертефикатын алу үшін арнайы бірнеше тексерістен өтеді. Аудан орталығында есігін айқара ашқан, адал әрі дәмді ас ішуімізге мүмкіндік беретін аталмыш дәмхананы халық болып қолдайық», - деді аудан бас имамы Қанат Әділханұлы.