Шәкірттер арасында достық пен бауырмашылдықты насихаттау мақсатында «Төле би» мешітінің ұстазы Насихат Доғдырбайқызының ұйымдастыруымен «Құпия дос» ойын кеші өтті.

Кеш барысында әйел-қыздар жамағаты ақ дастархан басында жиналып, «Алланың уәлиі» жайында терең насихат айтылды. Жиналғандар бір-біріне жүрек тербетер жылы тілектер айтып, қолдарынан келген хадиялармен сыйлықтар берді.

Алайда, ең басты сыйлық — бұл әйел қауымының бауырмашылдығы мен сүйіспеншілігі болды. Кеш соңында жиналғандар көтеріңкі көңіл-күймен, жүздерінен күлкі кетпей тарқасты.

Шу аудандық «Жәми» мешітінің баспасөз қызметі