Жамбыл облысы Байзақ ауданына қарасты ауыл имам-молдаларға Байзақ ауданының бас имамы Қанат Әділханұлы Жамбыл облысының бас имамы Бейбіт Әліпбекұлының алғыс хатын табыстады.

Алғыс хат мәтінінде: «Осы алғыс хатпен асыл дініміздің өркен жаюы жолында қажыр-қайрат көрсетіп 2024 жылы Алла разылығы үшін өкілдіктен және ауданнан жолданған тапсырмаларды жоғары деңгейде орындап, «Үздік ауыл имамы», «Үздік ардагер имам», «Үздік наиб имам», «Үздік азаншы» және «Үздік ұстаз» номинациялары бойынша марапатталады», - делінген.

Марапат алған қызметкерлер төмендегідей:

1. Кумбаев Ербол Қасқырұлы «Базарбай» мешітінің имамы (Үздік ауыл имамы)
2. Мусабекова Айнур «Ан-Нағим» мешітінің ұстазы (Үздік ұстаз)
3. Турабаев Қадырбек Абенұлы «Ақыл ата» мешітінің молдасы (Үздік ардагер имам)
4. Гулахметов Жамисар «Шолпан Дәуіт» мешітінің азаншысы (Үздік азаншы)
5. Баешов Азамат Боранбайұлы «Байзақ баба» мешітінің наиб имамы (Үздік наиб имам) 

Бас имам Қанат Жұмағұл ауданның имам-молдаларын бір Алланың разылығы үшін, елдің сенімін ақтайтындай, аянбай, дін қызметін ары қарай жасай беруге шақырды.