Жамбыл облысы Байзақ ауданына қарасты IV аймақ имам-молдаларына Байзақ ауданының бас имамы Қанат Әділханұлы «Жат ағыммен күресу жолдары» тақырыбында семинар өткізді.

Қанат Әділханұлы аймаққа қарасты ауыл имам-молдаларына: «Халқымыздың ежелден діни сенімі қалыптасқан, дәстүріне берік екені бесенеден белгілі. Сол себепті, сырттан келген, елдің ой-санасы қабылдамайтын мұндай ағымдармен біз бүтін қоғам болып күресуіміз керек. Мешітімізде жамағатқа Әбу Ханифа мазһабы, ақида тақырыптарында дәрістер өткізіліп келеді. Шын мәнінде, асыл дініміз елдің өсіп-өркендеуін, көркеюін, халқымыздың ынтымақ-бірлігін арттыруды мұрат етеді. Осы жолда бар мүмкіндігімізді, білім-біліктілігімізді салып, қызмет етуге қашанда әзірміз. Жат ағымның ынтымағы жарасқан жамағат арасында таралуына жол жоқ», - деді.