«Тоғай» мешітінің бас имамы Алмас Кенжемолдаев мешіт жамағатымен кездесіп, дастархан басында уағыз-насихат айтты. 

Кездесу барысында бас имам Алмас Кенжемолдаев жамағатқа рухани тәрбие, бірлік пен ынтымақтың маңыздылығы туралы тағылымды уағыз айтты. Ол күнделікті өмірде Ислам құндылықтарын ұстанудың пайдасы, отбасыдағы береке мен қоғамдағы ауызбіршілікті сақтаудың маңызы жайында ой қозғады.

Жамағат тарапынан түрлі сұрақтар қойылып, бас имам барлығына түсінікті әрі мазмұнды жауап берді. Шара барысында Алланың разылығына жету жолында ізгі амалдарды арттырудың қажеттілігі, сондай-ақ мешітке жастарды тарту және олардың діни сауатын арттыру жөнінде маңызды мәселелер талқыланды.

Дастархан басындағы жылы жүзді кездесудің соңында жамағат бас имамға алғыстарын білдіріп, осындай басқосулардың рухани байлыққа жетелейтінін айтты. Имам Алмас Кенжемолдаев бұл игі дәстүрдің алдағы уақытта жалғасын табатынын жеткізіп, барша жамағатқа дұға жасады.