Тұрар Рысқұлов ауданы Көкдөнен ауылдық «Көкдөнен» мешітінің имамы Бақытжан Әлімбеков мәдениет үйінде жат ағымдардан сақтандыру мақсатында ауыл жастарымен кездесу өткізді. Кездесу «иманды жастар ел болашағы» атты тақырыпта өрбіді.

Сонымен қатар, ауылдағы жастардың тәрбиесі мен діни ахуал да сөз болып, ауыл имамы туындаған сұрақтарға тиісті жауаптарын берді. Кездесуге ауыл жастарымен бірге кітапхана қызметшілері де қатысып, көкейдегі сауалдарына жауап тапты. Бақытжан имам жастарға иманның құндылығы мен артықшылығын кеңінен баяндап, екі дүниедегі берер пайдасына тоқталды.