Жамбыл облысының бас имамы Бейбіт Әліпбекұлы облыс әкімдігінің дін істері басқармасы жанындағы діни бірлестіктермен байланыстар жөніндегі кеңестің отырысына қатысты.

Бұл жиында өңірдегі діни ахуал, діни бірлестіктердің қызметі және қоғамдағы рухани құндылықтарды нығайту бағытындағы жұмыстар талқыланды. Кеңес барысында қатысушылар дін саласындағы өзекті мәселелерді көтеріп, оларды шешу жолдарына қатысты пікір алмасты.  Сонымен қатар, діни экстремизмнің алдын алу, халықты рухани ағарту, жастар арасында діни сауаттылықты арттыру, діни ұйымдар мен жергілікті билік арасындағы өзара ынтымақтастықты нығайту бағытында нақты ұсыныстар айтылды.

Жиын соңында діни бірлестіктер мен мемлекеттік органдар арасындағы тығыз қарым-қатынасты жалғастыру туралы шешім қабылданды. Қатысушылар өзара түсіністік пен ынтымақтастықты арттыру жолында бірлесе жұмыс істейтіндерін мәлімдеді.