«Ислам және дәстүр құндылығы жылы» аясында Меркі ауданы, Ақарал ауылы «Сыпатай Әлібекұлы»  мешітінің имамы Құрамаев Бақтыбектің ұйымдастыруымен мешіт асханасында айлық дастархан жайылды.

Ақ дастарханға РАНТ мүшесі Қанат Жұмағұл ұстаз және Меркі ауданына қарасты барлық мешіт қызметкерлері мен жамағттары шақырылды. Ақ дастархан басында  Қанат Жұмағұл ұстаз  халыққа «Исламдағы бақытқа қол жеткізу амалдары» тақырыбында уағыз – насихатын айтып халықты рухани азыққа бөледі.

Осы игі іс-шара барысында алыстан ат терлетіп келген құрметті ұстазымыз Қанат Жұмағұлға, аудан бас имамы Азамат Берікұлына және ауыл имамы Құрамаев Бақытбекке ауыл жамағаты құрметтерін білдіріп, сыйлап иықтарына шапан жапты.

Ауданның бас имамы Азамат Берікұлы да жиынға келген жамағатқа уағыз-насихат айтып, осы айлық дастарханды ұйымдастырған ауыл имамы мен мешіт  жамағатына бүкіл аудан жамағаттың атынан алғысын білдірді. Жиын соңында Елімізге, Жерімізге дұға жасалды.