Жамбыл облысы Байзақ ауданының бас имамы Қанат Әділханұлы Мәдімар ауылында Мәдімар болыстың 160 жылдығына арналған еске алу шарасына қатысты.

Мәдімар Райымбекұлы (1864–1923) — Әулиеата уезі Көшеней болысы. Шыққан тегі Ұлы жүздің Дулат тайпасы Шымыр руынан. Ташкентте медреседе оқыған. 

19 жасында Көшеней Болысы болып сайланған.  Мәдімәр әділдігімен, тазалығымен аты шыққан. Көрші қырғыз елінен, Оңтүстік Қазақстаннан, Арқадан келіп Әулие атадан әділдік іздегендер Мәдімар болыстың алдына баратын болған.  

Мәдімар Райымбекұлының ақ тамы аталған бұл үйді бүгінгі ұрпақтары қайта жөндеп, мешітке айналдырды. Қазір бұрынғы Ынтымақ ауылы Мәдімар аталып, онда Мәдімар бабаға ескерткіш орнатылған.