Жамбыл ауданы, Жалпақ төбе ауылы, «Тұрғани» мешітінде екі қари мен білікті әйел ұстаз қызмет атқаруда. Құранды толық жаттап жатқандар (10 бала) мен 100ге жуық шәкірттер мешіттен сабақ алуда.

Алла Тағала құранның алғашқы сүресінде «Оқы» деп бастауы біздің жастардың білімді және білікті болуы өте маңызды. Бабаларымыз да әуелі балаларын медресеге, қари болуға үгіттеген. Абай атамыз: «Баламды медресеге біл деп бердім, Қызмет қылсын, шен алсын деп бермедім» - деп білімді бірінші қызмет пен шен үшін емес Аллаға құл болу мен адам болуды алдыға тартқан. Алла Тағала ғалымдардың арамыздан көптеп шығуын нәсіп еткей.