Жамбыл ауданы, Түрксіб ауылындағы «Түрксіб» мешітінің молдасы Қыдырбай Тажибаев жамағатқа «Дін мен дәстүр» тақырыбында түсіндіру жұмыстарын жүргізіп, насихат жасады.

Ол барша мұсылмандардың бауырмал болуы қажеттігін атап, бұл қазақ даласындағы ұлттық дәстүрлеріміз бен ата-бабаларымыздың мұрасына сілтеме жасады. Жастарға осы құндылықтарды түсіндірудің маңыздылығы баса айтылды. Молда, сондай-ақ, ҚМДБ-ның бірнеше жыл бойы осы тақырыпқа басымдық беріп, «Дін мен дәстүр» атты кітаптардың жарық көргенін еске салып, дәстүрлерін ұстануға шақырды.