Жамбыл облысы Байзақ ауданына қарасты I аймақ мешіттерінің имамдары Қостөбе ауылдық «Қостөбе» мешітінің жамағатымен бірлесіп, Пайғамбар (оған Алланың салауаты мен сәлемі болсын) туған айда салауат айтты.

Рухани шарада мешіт жамағатына аймақ жетекшісі Рахымбек Кенжебайұлы: «Алла Тағала Құранның «Ахзаб» сүресінің 56-аятында: «Шын мәнінде, Алла және Оның періштелері Пайғамбарға салауат айтады (Алладан – рақым, періштелерден – жарылқау, дұға). Уа, иман келтіргендер! Сендер де оған (Пайғамбарға) салауат пен саламаттылық тілеңдер»! – деген. Алла Тағала Өзінің ұлықтығымен, сансыз періштелердің Пайғамбарымызға (оған Алланың салауаты мен сәлемі болсын) салауат айтуының және иман келтірген мүминдерге де салауат айтуға бұйырудың сыры неде?», - деп «Салауат айтудың маныздылығы» тақырыбында насихат айтты.

Шара аясында Ораз Баймаханов пен Махамаддинұлы Бабаназар дәстүрге сай мәуліт жырын оқып, мешіт жамағаты дастархан басында бас қосты.