Жамбыл аудандық «Бәйдібек» мешітінде сауаптар еселенетін айда ораза ұстаған жамағатқа ауызашар берілді. Аудандық «Бәйдібек» мешітінің наиб имамы Әлім Ибрагимов «Ислам және отбасы» тақырыбында уағыз айтып, отбасы құндылықтарына тоқталып өтті. «Отан – отбасыдан басталады» - деп дана қазақ халқымыз бекер айтпаған.

Отбасы тыныштығын сақтау – ер мен әйелге тікелей байланысты. Өмірдің сүреңсіз соқпақ жолында ер мен әйел бір-бірінің кемшілігін жасырып, жақсылығын асыра отырып, бір-бірін толықтырып отыруы отбасылық міндетіне жатады. Бұл туралы қасиетті Құранда: «Олар сендерге киім, сендер де оларға киім іспеттісіңдер» - деп отбасының сақталуы мен шайқалмауына ат салысу міндет екендігі айтылды. Ауызашарға 30 адам қатысты.