Талас ауданы, Қаратау қалас "Абдірашит-ата" мешітінің ұстазы және Талас аудандық жастар ісі жөніндегі маманы Жанұзақ Рысбекұлы "Көрісу күніне" орай Қаратау қаласы, Ахмет Байтұрсынов атындағы мектептің оқушыларымен "Салт-дәстүрім қазынам" атты іс-шара ұйымдастырды.
Шараның мақсаты, жас жеткіншектерге салт-дәстүр жайында, тәртіп-тәрбиенің қазақи болуының маңыздылығы турасында баяндау болатын. Сәйкесінше, Жанұзақ Рысбекұлы оқушыларға Қазақ зиялыларының рухани өлеңдерін, айтқан даналық ойларын тілге тиек ете отырып, ұтымды жеткізді.
Балаларды сұраққа тарта отырып, әңгіменің ауанын қызықтырып, екі тараптық еткені құнды болды. Балалар қойған сұрақтарына жауап алып, марқайып қалды.
Талас аудандық мешітінің баспасөз қызметі