Жамбыл облысының полиция департаментінде «Әл Фирдаус» мешітінің имамы Алмас Кенжемолдаев қазіргі таңдағы өзекті мәселе суицид тақырыбында насихат жүргізді.
Құранда Алла Тағала: «Өз-өздеріңді өлтірмеңдер. Расында, Алла сендерге ерекше мейірімді» («Ниса» сүресі, 29-аят). Пайғамбарымыздың (с.ғ.с.) хадис шәріптерінің бірінде: «Кім өз жанын қандай затпен қиса, тозақта сол затпен азапталады», – делінген.
Бүгінгі күнде көптеген қиыншылықтарға төзе алмай адамдар Алланың аманат етіп берген жанын өз қолдарымен қиып жатады. Өмір күрестен тұрады, Шерхан атамыз айтқандай: «Бір кем дүние, біреуде бар біреуде жоқ» - деп, Алмас имам өзінің насихатында полиция қызметкерлеріне дініміз қайраттылыққа, жігерлікке ундеп, адамның өз өзіне қол жұмсауын емес керісінше тығырықтан жол іздеуді үйрететінін баяндады.
Тараз қалалық орталық «Әулие ата» мешітінің баспасөз қызметі