Шу аудандық "Жәми" мешітінің ұстазы Сәуле Нұрсұлтанқызы шәкірттерден құлшылыққа қатысты тест алды.
Мешіт жанындағы діни сауат ашу курсында білім алып жатқан қыз-келіншектер мен әжелердің алған білімдерін тексеру мақсатында мұндай сынақ жиі ұйымдастырылып тұрады. "Бұл әдіс арқылы әркім өз біліміне баға беріп, білмеген дүниелерін үйренуге тырысады" - дейді ұстаз.
Ислам – білім алуды парыз деп санайтын дін. Дініміздің осы тұсы исламның хақ екенін дәлелдей түссе керек. Пағамбарымыз (с.ғ.с.) хадис шәріпінде: «Білім алу – әрбір мұсылман ер мен әйелге парыз, – делінсе, тағы бір хадисінде: «Тал бесіктен жер бесікке дейін білім үйрен», – деп насихат айтылған.
Қасиетті Құранның алғашқы түскен аяты білім алуға шақырды. «Иқра!» (Оқы!) деп басталған сөз «оқу мен жазуды игер» деген мағынаны береді.
Шу аудандық "Жәми" мешітінің баспасөз қызметі