Қайырымдылықтың ең абзалы – мұқтаж жандардың қажетін өтеу. Азық-түлік қымбаттап, күннің салқын сызы қосылған сәтте Қордай аудандық мешіті өз қамқорлығын танытып, жәрдем қолын созды.
Орталық мешітте 21 отбасыға азық-түлік түрінде көмек үлестірілді. Қажеттіліктер көлемді түрде 5 киллограм, 5 литр сынды салмақта молынан берілді. Мешіттің наиб имамы көпшілік алдына шығып, "сабыр" турасында қысқа насихатын жеткізіп, отбасыларға қайырымдылықты табыстады.
Айта кетейік, игі іс үшін жалпы 320 000 теңге қаражат жұмсалды. Көмек алғандар алғыстарын айтып, үлкендері батасын берді.
Қордай аудандық мешітінің баспасөз қызметі