Құран - Алланың сөзі. Ал оны жаттау үлкен нығметтердің бірі. Қордай аудандық мешітінің жанындағы Қыздар діни сауат ашу курсының шәкірттері әліппені тамамдап, Құранды түп нұсқадан оқуға көшті.
Осындай айтулы сәтті мешіт ұстазы Эльмира Есімқараева есте қаларлықтай етіп ұйымдастырып, қасиетті үш ай қарсаңында Құранға түскен шәкірттерге тәж кигізу салтанатын өткізді.
Атап айтсақ, Наргиза Ерланқызы, Аяна Досжанқызы, Робия Русланқызы мен 80-жастағы әжеміз Гүлшаһар Қожабекқызына құрмет көрсетіліп, көпшілік жаннатта тәж киетін, қари болуларын тіледі.
Қордай аудандық мешітінің баспасөз қызметі