"Білім - инемен құдық қазғандай" дейді халық даналығы. Ал білімдердің атасы дін білімін үйреніп, сауатын ашып жүрген "Һибатулла Тарази" мешітінің әйелдер жамағаты, діни сауат ашу курсының шәкірттері бүгін кезекті емтихандарын тапсырды.
Сынақты ҚМДБ-ның Жамбыл облысы бойынша Әйел-қыздар секторының жетекшісі Жазира Иманалиева мен мешіт ұстазы Жібек Қолағұлова қабылдады.
Емтиханға қазақ тілді 2 топтан 50 шәкірт, 1 орыс тілді топтан 15 шәкірт қатысты. Қыз-келіншектер Құран әліппесі, ақида, фиқһ, сира пәндерінен сынақ тапсырды.
Айта кетейік, шәкірттің жас ерекшелігі бйынша ең кішісі 16 жаста, ал ең үлкені 65 жаста.
Ақерке БЕКҚҰЛОВА
"Һибатулла Тарази" мешітінің баспасөз қызметі