Құран - жаттаған адамға қабірде нұр шашып тұрады, толық жаттасаң қияметте шапағатшың болады. Алланың сөзі, бақытты өмір сүруіміздің заңдылығы болған қасиетті кітапты оқу, жаттау әрбіріміз үшін маңызды. 

"Сендердің жақсыларың - Құранды үйреніп, өзгелерге үйреткендерің" дейді шариғатымызда. Дәл осылай Шу аудандық "Жәми" мешітінде Құран дәрістерін алып жүрген шәкірт Индира Бахтиярқызы бүгінде 1.5 пара, ал шәкірт Жадыра Ақылбекқызы 1 пара Құран жаттап бітірді. 

Ұстазы қари Сәуле Нұрсұлтанқызы шәкіртінің жетістіктерге жетіп келе жатқанына қуанып, мешіт атынан діни кітап сыға тартты. Индирамен Жадыраға қари болуды тілейміз.

Алла шәкірттердің Құранға деген махаббатын, сүйіспеншілігін арттырсын! 

Шу аудандық "Жәми" мешітінің баспасөз қызметі