Ата-бабамыз қай уақытта өмір сүрсе де өздерінің тұрмыс-тіршілігін ислам дінінің негіздерімен ұштастыра білген. «Кең болсаң кем болмайсың» деген қағиданы ұстанған дана халқымыз маңайындағы мұқтаж жандарға қайырымдылық жасап, қол ұшын созып көмек көрсетуді өсиет еткен. Біздердің жасаған қандайда бір жақсы істердің қайырсыз кетпейтіндігі жайында Қасиетті Құранда: «Алланың жолында не жұмсасаңдарда, Алла Тағала міндетті түрде оның орнын толтырыды,» - деп баяндалады.

Осы қайырымды істің қайырын білген облыстық "Һибатулла Тарази" мешітінде мың айдан да қайырлы қадір кешінің қарсаңында "Қадір түнінен қайырым" атты қайырымдылық іс-шарасы өтті. 

Шара аясында 120 отбасыға азық-түлік табысталды. Мешіт имамдары көмек алуға жиналғандарға қораптарды үлестіріп, әр жанұяға береке тілеп табыстады.

Ақерке БЕКҚҰЛОВА

"Һибатулла Тарази" мешітінің баспасөз қызметі