Жақында Шу ауданы «Төле би» мешітінде ауқымды қайырымдылық шарасы орын алды. Мешіт ауласында азық-түліктің жеткілікті қоры өз иелеріне тапсырылды. Нақтырақ айтқанда 200 мың теңге жұмсалған қайырымдылық шарасы аясында 20 отбасыға азық-түлік себеттері таратылды.

Сондай-ақ жиын барысында мешіттің имамы Талғат Кәрібайұлы аталған отбасыларға сабырлық жайлы қысқаша насихат жасап, олардың өмірлері нәсіпті,бақ-берекелі болсын деп дұға етті. Көмек алған кісілер де ризашылықтарын білдіріп, Рамазан айында жасаған жақсылықтар қабыл болсын десті.

Шу аудандық «Жәми» мешітінің баспасөз қызметі