Білім алу әрбір мұсылманның парызы. Ол қараңғыны жарық ететін құрал. Білім туралы асыл  дініміз бен ата-баба дәстүрінде көптеген  нақылдар келтірілген.  Ал,  ардақты  Алла  Елшісі (Оған Алланың салауаты мен сәлемі болсын): Адамдардың абзалы Құранды үйреніп оны  басқаларға үйреткені деген мәшһүр хадисінде.

Осы бағыттағы жұмыстар Шу ауданында жақсы қолға алынуда. Бірқатар мешіттерде балаларға Құран әліппесі үйретіліп, шариғи білімдердің бірінші сатылары үйретуде. Бұл қадам олардың келешекте сауатты, ағымдарға қарсы имунитеті қалыптасқан азамат болуына өз септігін тигізеді.

Сондай сабақтар  Бірлікүстем ауылдық мешітінде өтуде. Мешіт имамы Жетпісбай Әлімбеков ауыл балаларына «Муалим сәниден» сабақтар өтіп, әріптер үйретуде.

Сол секілді Жиенбет ауылындағы «Жиенбет Жексенбай» мешітінің имамы Шүкірәлі Бердібеков шәкірттері арасында Құран оқу жарысын өткізіп, ынталандыру  мақсатында жеңімпаздарға ақшалай сыйлықтар берді.

Шу аудандық «Жәми» мешітінің баспасөз қызметі