Жамбыл ауданы Қаламаңы ауылы «Хаджи Тамаль Мадина» мешітінің имамы Абилов Ансардың ұйымдастыруымен жас балаларға арнап араб тілінен сауат ашу курсы ашылды.

Аталған курс мектеп жасындағы балаларға тек араб тілін ғана емес, сонымен қатар, тәрбие мен әдептілікке баулуда. Курсқа тіркелген балалардың ата-аналары да мешіт имамына өз алғыстарын жаудыруда.

«Тәрбие - тал бесіктен басталады» - демекші, тәрбиені біліммен ұштастыру - ұлы ұстаздың қолынан келетін іс.  Ұрпақ тәрбиесі – адамзат дамуының бағыт-бағдарын айқындайтын бірден-бір айрықша құбылыс. Әрбір мемлекеттің дамуындағы өзгерістер мен жаңалықтар, адамзат мінез-құлқындағы кемшіліктер мен келеңсіздіктердің бәрі тегіс ұрпақ тәрбиесіне келіп тіреледі.

Жамбыл аудандық мешітінің баспасөз қызметі