Жамбыл ауданы Бектөбе ауылы «Бектөбе» мешітінің имамы Тантаров Ғани шам намазына келген жастарға әлеуметтік желінің пайдасы мен зардабы, оның ішінде діни радикализм идеяларын тартудағы рөлі жайында кеңінен уағыз-насихат айтты.

"Қазіргі әлемдегі проблемалар бұрынғы кезеңдердегі мәселелерден ауқымдырақ, әрі күрделірек болып табылады. Олай болатын себебі, қазіргі заманда әлемдік деңгейде жаһандану үрдісі бар қарқынымен жүріп жатыр. Кейбір елдер дараланып өмір сүру формасын ұстанғанымен әлемдік үрдістерден ешкім де шет қалмақ емес. Осы орайда жаһанданған әлемдегі діни үрдістер де бұрынғыдан өзгерек екендігін естен шығармайық" - дейді имам.

Уағыз соңында мешіт имамы жастар қойған сұрақтарға жауап беріп, тек ресми тіркелген діни парақшаларға ғана құлақ асу керектігін жеткізді.

 Жамбыл аудандық мешітінің баспасөз қызметі