Жамбыл ауданы Айша-бибі ауылында «Айша-бибі» мешітінің имамы Қатарбай Таджибаев ауылдық әскери бөлімшеге барып, ел басына күн туған заматта атқарған қызметтері үшін әскерилерге алғысын білдіріп, оларға «бар күшіміз – бірлікте» екендігін айтты. Әрине, ел болып еңсе тіктегеннен бастап, ең алдымен есте болатын нәрсе ол – бірлік.
Бірлік қашанда елді кемел келешекке жетелейді. Қазақ халқы үшінде бұл ұғымның мағынасы мен мәні бөлекше биік екендігін білгеніміз жөн. Әрдайым бірлікте болу - кез келген ұлт үшін үлкен маңызға ие. Қазақта бірлік елдіктің, ұлт болып ұйысып отырудың басты кепілі саналған. Сондықтан ел тізгінін қолына ұстаған адамдар — ақсақалдар, билер, хандар ел ішіндегі асқынған дау, ушыққан жанжалды тыйып, шешім қабылдағанда ел бірлігіне сына түспеу жағына баса көңіл бөлген.
Жамбыл аудандық мешітінің баспасөз қызметі