Жамбыл ауданы Жастар орталығында ауданның бас имамы Ғайырфулла Қуанышбекұлы аудан жастарына «Бірлік – береке бастауы» деген тақырыпта кеңінен насихат жұмыстарын жүргізді. Бірлік – адамзатты жаңа белестерге шығарған үлкен құндылық.

Бұл қасиетті қадір тұтқан қазақ халқы оны мақалдарынан да, даналықтарынан да жырақ қалдырмаған. Бірлік жайында қазақ халқының өз айтар нақыл сөздері мен ақыл сөздері жетерлік емес пе? Айтса айтқандай, бірлік – берекенің бастауы, бірлік бар болған жерде қашанда татулық пен береке болмақ. Сөз соңында аудан имамы аудан жастарына кемел келешектің тек бірлік пен ынтымақта екендігін айтып, сұрақтарына жауап берді.

Жамбыл аудандық мешітінің баспасөз қызметі