Қордай ауданының жамағаты РАНТ мүшесі, "Нұр Мүбәрак" университетінің докторы Ризабек Батталұлымен жүздесті.
Елімізге танымал, білікті маман Жамбыл ауылы "Әл-Хафиз" мешітінде уағыз жүргізді. "Хужрат" сүресінің мәнін түсіндіріп, көпшілікке терең мағұлмат, діни білім берген ардақты ұстаз жамағаттың сұрақтарына жауап берді.
Сүреде «Жаман лақап аттармен бір-біріңнің намыстарыңа тимеңдер», «Бір-біріңді аңдымаңдар», «Бір-біріңді ғайбаттамаңдар», «Өз-өздеріңді кемсітпеңдер»,«Дәлелсіз ойлардың көбінен аулақ болыңдар, өйткені жалаң ойлардың кейбірі – күнә» деген аяттар бар. РАНТ мүшесі осындай әрбір аятқа кеңінен тоқталып, хадистермен қуаттады.
Мұндай кездесуді ұйымдастырған имамдарға Қордайлықтар алғысын айтып, рухани күш алып қайтқандарын жеткізді.
Қордай аудандық мешітінің баспасөз қызметі