ҚМДБ-ның Жамбыл облысы бойынша өкілдігі "Һибатулла Тарази" мешітінің 1-ші наиб имамы, РАНТ мүшесі Нұралы Бақытұлы Қордай аудандық мешітінде жұма уағызын жүргізді.

"Мейірімділік" тақырыбындағы насихатын мейіріммен жамағатқа жеткізген имам: "Дініміз бойынша барша жаратылғанға мейірімділік пен рақымдылық жасау, олардың мұқтаждықтарына ортақтасу әрбіріміздің басты міндетіміз. Сондықтан, шынайылықпен қызмет көрсету мейірімділік пен рақымдылық есігі. Алла тағала құлының өзге құлына қалай қарым-қатынас жасағанына назар аударады. Ол қалай қарым-қатынас жасаған болса, Алла тағала оған солай қарым-қатынас жасайды" - деп қоғамдағы, отбасындағы және жалпы мейірімділік жайлы айтып өтті.

Уағызды ұйып тыңдаған жамағат көкейкесті сауалдарын қойып, дәйекті жауаптар ала алды.

Қордай аудандық мешітінің баспасөз қызметі