Жамбыл ауданы Жастар орталығында аудандық «Бәйдібек» мешітінің бас имамы Ғайырфулла Қуанышбекұлы дүинежүзілік жастар күніне орай әр саланың белсенді жастарымен кездесті.

Келелі кездесуде бас имам болашақ жастардың қолында екендігін айтып, білімділік пен біліктілікті қатар алып жүру керектігін түсіндірді. "Кез келген ел өзінің келешегін өскелең ұрпағымен байланыстырады. Әр ұрпақтың пешенесіне жазылған заман ағымы, кезең тынысы болады. ХХІ ғасыр бүгінгі ұрпаққа, яғни біздерге бұйырған бақыт деп ойлаймын. Ата-бабаларымыз болашақ ұрпақ үшін ақтық демі қалғанша күресіп, бізге егемендік алып берді. Қазақ даласы ата-бабаларымыз ғасырлар бойы арман еткен және сол жолда зор құрбандықтарға душар болып, өз тәуелсіздігін жеңіп алды. Ендігі болашақ жастардың қолында деп өлеңдетіп, жырлап жазған ақын аға-апаларымыздың өлеңдерінен де көруге болады" - деді имам өз сөзінде.

Жамбыл аудандық мешітінің баспасөз қызметі