Ардақты Алла Елшісі (оған Алланың салауаты мен сәлемі болсын) үмметін ізгі іс істеуге ынталандырып, жақсылық жасауды насихат еткенін баршамыз жақсы білеміз. Рабиғуль әууәл айының құрметіне көптеген сауапты амалдар жасалып жатқаны бізді қуантады.  Сондай істердің бір парасы Шу ауданында өткен болатын.

Шу ауданы Шоқпар ауылдық мешітінің имамы Данияр Табаев ауылдағы аз қамтылған отбасыға бір кілем сыйласа, Белбасар ауылының «Хати Сауранбай» мешітінің имамы Бақытжан Тілемісов мешіт тазалығымен тұрақты түрде айналысып жүрген азаматшаларға сыйлық ретінде бір-бір кілемнен үлестірген болатын.  Сол секілді «Баласағұн» мешітінің имамы Байұзақ Жаманкеев демеушілер берген 1 қойдың етін 7 отбасыға үлестіріп, ауылдықтардың ақ батасына бөленді.

Қаладағы «Кәрібай молда» мешітінің имамы Нұржан Қалиев көпбалалы жалғызбасты анаға азық-түлік түрінде көмек ұйымдастырып, 150 мың теңге қаржы жұмсады.  Бірлікүстем ауылдық мешітінде де қайырымдылық шарасы өтіп, еліміздің іргелі діни оқу орнында оқитын студенттің отау құруына байланысты құтты болсын деп 20000 теңге мен 1 кілем сыйлыққа берілген болатын.

Байжан ЕМБЕРДІ,

Шу аудандық «Жәми» мешітінің баспасөз қызметі