Мәуліт оқыту – сан ғасырдан бері бабаларымыз дәстүрге айналдырған арда құндылықтарымыздың бірі.

Меркі ауданы, Сыпатай ауылына жаңадан тағайындалған имам Абдуманап Дулат Талғатұлы өз ісін жамағатты жинап мәуліт оқумен бастады. Іс-шара барысында өзін таныстырып, жиналған халыққа пайғамбарымыз Мұхаммедтің (Алланың игілігі мен сәлемі болсын) өмірбаянын айтып, мәуліттің шығу тарихы мен пайғамбарымызға (Алланың игілігі мен сәлемі болсын) деген махаббат жайлы уағыз айтты.

Мәуліт соңында имам еліміз бен жерімізге тыныштық, ел халқымызға береке-бірлік тілеп арнайы дұға жасады. 

Меркі ауданы «Меркі ата» мешітінің баспасөз қызметі