Жамбыл ауданы орталық кітапханасында аудандық «Бәйдібек» мешітінің теолог-ұстазы Жайна Бекназарованың қатысуымен мектеп оқушыларының арналған «Экстремизм мен терроризм – ғасыр індеті» сұқбат-әңгіме өтті. 

Ислам діні – ғылым мен білімге, толеранттылыққа шақырады. Ал Ислам атын жамылған экстермистік топтар – бұқара жұртшылықтың татулығы мен ауызбіршілігін бұзатын, ұлтаралық араздық пен алауыздықты туғызатын жаңсақ пікірлі саяси-топтар. Экстремизм, көбіне, адамның надандыққа, көрсеқызарлыққа бейімделген пікірінен туындайды. «Тек менің ғана пікірім дұрыс болуы керек» деген секілді. Әйтсек те, бұл экстремизмнің бастапқы кезеңдерінің ғана көрінісі болып саналады. Шараға қонақ болған ұстаз мектеп оқушыларының сұрақтарына жауап берді.

Жамбыл аудандық мешітінің баспасөз қызметі