Жамбыл аудандық «Жастар орталығында» аудандық «Бәйдібек» мешітінің ұстазы Жайна  Бекназарованың ұйымдастыруымен кездесу жасалып, «Дін және дәстүр» насихатталды. Іс-шараға ҚМДБ-ның Жамбыл облысы бойынша Әйел-қыздар секторының меңгерушісі Гүлжан Серікқызы қатысты.

"Халқымыз салт-дәстүрге кенде емес. Ертеде салт-дәстүр бұлжымас заң рөлін атқарғаны белгілі сондықтан да оның ел арасындағы тәлімдік, тәрбиелік және халықтық мәні зор болған. Өйткені, дін адамдары қашанда бейбітшілік, әділдік, имандылық туын көтерушілер қатарынан табылуы тиіс. Қазіргі таңдағы басты мәселе – халықтың асыл қазынасын қабылдау, рухани байлығынан сусындау – салт-дәстүрін, тілін, діні мен ділін жетік меңгеру. Дін мен дәстүр – біздің ұлттық болмысымыз болып қала бермек," - дейді бас ұстаз.

Кездесуде жастар тарапынан қойылған сұрақтар жауапсыз қалмады.

Жамбыл аудандық мешітінің баспасөз қызметі