Жамбыл ауданы Түрксіб ауылының тұрғыны, көпбалалы ана Тыныбекова Гүлзина Нурбековнаға ҚМДБ «Зекет және қайырымдылық» қорының «Ел үлесі – пәтерге» акциясы аясында 462 – баспана табыс етілді.

Ашылу салтанатына Жамбыл облысының найб имамы Ержан Аманбаев, және атсалысқан кәсіпкерлер мен ауыл тұрғындары, мешіт жамағаты, «Түрксіб» мешітінің имамы Тәжібаев Қыдырбай қатысты. Сөз алған облыстың найб имамы осындай игі істерге атсалысып жүрген барша ауыл тұрғыны мен мешіт жамағатын құттықтап, өз алғысын білдірді. "Ел үлесі пәтерге" жобасы - қайырымдылық шара. Мақсаты – ауылда  тұрып жатқан мұқтаж отбасыларға баспана алып беру.  

Жамбыл аудандық мешітінің баспасөз қызметі