ҚМДБ-ның Жамбыл облысы бойынша бас имамы Бейбіт Мырзагелдиев Қордай аудандық "Әжелер алқасымен" кездесті.
Жиынға Қордай ауданының бас имамы Асқар Зәкіржанұлы, мешіт ұстазы Эльмира Есімқараева мен алқа мүшелері қатысты.
Облыс бас имам өз сөзінде әжелердің қоғамға тигізер пайдасы, әжелер тәрбиесінің маңыздылығы, ақыл-кеңес беру, қыз-келіншектермен сырласу, өнегесін айтудың әсері жайлы тілге тиек етті.
Шарада рухани даму турасында атқарылатын істер, мақсат, жоспарлар талқыланды. Жиын соңында Бейбіт Әліпбекұлы әжелерге "Ихсан" кітабын сыйға тартты.
Қордай аудандық мешітінің баспасөз қызметі